Зифа Кадыйрова

Зифа Кадыйрова 1958 елның 7 октябрендә Башкортстаннын Учалы районы Ахун авылында туа, урта белем ала. 1978 елда Татарстанның Чаллы шәһәренә күченә һәм төзелеш бригадасына эшкә урнаша. Бүген дә шушы шәһәрдә яши. 50 яшендә беренче әсәре дөнья күрә. "Сагынырсың, мин булмам...", "Язмыш сынавы", "Көтеп узган гомер", "Бәхеткә юл кайдан?", "Синсез килгән язлар", "Яраларың белән яратырмын" романнары авторы. Өч әсәре нигезендә профессиональ театрларда спектакльләр куелган. Бу әсәрләр үзешчән театр репертуарларына да алынган. "Сагынырсың, мин булмам" әсәре нигезендә нәфис фильм әзерләнә. Биш әсәре урыс теленә тәрҗемә ителгән, өчесе китап булып чыккан.